Hoërskool Upington se ATKV Jeugtak het Woensdag `n propvol, prettige aand gehad. Die “P”-tema het gelei tot baie interessanthede, bv. port, popcorn, pasteie, pampoenpoffertjies, pryswenners en pret!

Uppies se leerders het gesing, gedans en monoloë opgevoer. Die aand is verder kleur gegee deur optredes van 4 Fanie Malanners, `n buikspreker van Oranje-Noord, `n grillerige “kok” van Op die Voorpos en vele plaaslike talent. `n Groot geleentheid op die program was die optrede van `n saksofoon-groep, al die pad van Graafwater, uit die Weskus. Hul spel was ongelooflik en baie spesiaal, veral vir Mev. May omdat Hoërskool Graafwater haar Alma Mater is en sy hul genooi het.

Die propvol saal van meer as 200 mense het die aand baie geniet. Die kos was lekker, die optredes pragtig en die aand sal nog lank onthou word.

Baie dankie aan elke Kultuurdier en elke ATKV mamma vir hulp, bydraes en omgee.