Die afgelope naweek, vanaf 23-26 Augustus het Hoërskool Upington se o/15A netbalspan aan die Kay Motsepe spele deelgeneem.

Die Kay Motsepe spele is die Nasionale o/15 kampioenskappe wat geborg word deur die Motsepe Foundation.

Slegs die top 2 skole in elke provinsie dring deur om aan die kampioenskappe deel te neem. Tydens hierdie toernooi het Uppies teen die bestes in die land te staan gekom en het hulle in `n baie sterk poel beland met onder andere Affies, Potch Gimnasium en Paarl Girls High.

Uppies se span het `n opskudding veroorsaak toe hulle Paarl Girls High klop met 11-6. Uppies se o/15A span is dan ook die 12de beste o/15-span in die land. Uppies is geweldig trots op hierdie mooi prestasie.

vlnr voor: Dolla Lombard(afrigter), Anke Engelbrecht, Kate Nugent, Susan Hanekom

vlnr agter: Jolize Swanepoel, Anri Kotze, Liané Kapp, Abongile Mchlauli, Christine Esterhuizen, Riana Steenkamp