Tydens die skiet-kompetisie wat op 5 en 6 April by Hoërskool Upingon gehou is, het die Uppieskuts puik presteer en die nuwe skuts het vir die eerste keer ‘n skietkompetisie ervaar.

In die o/21 Sportergeweer kompetisie kry Juan Steenkamp ‘n goue medalje in die drie-posisie én in die staanposisie. Juan is ook algeheel eerste in sy ouderdomsgroep. In die o/16 Sportergeweer kompetisie kry Janko Botma ‘n silwer medalje in die drie-posisie en brons in die staanposisie. Janko is algeheel tweede in sy ouderdomsgroep.

Tydens die ‘Target Sprint’ kry Juan Steenkamp ‘n goue medalje en Petrus Labuschagne ‘n brons medalje vir die o/21-groep en Janko Botma kry brons in die o/16-groep.

Ashton Willemse, Uppies se eerste rolstoel lugpistoolskut, neem aan sy eeste kompetisie deel en kry ‘n silwer medalje. Uppies is baie trots op sy toegewydheid en deurstettingsvermoë.

Foto: Janko Botma, Juan Steenkamp, Ashton Willemse en Petrus Labuschagne